புள்ளிவிவரம்

குறுஞ்​செய்தி கிறுக்கல்கள்..

பின்னூட்டங்கள்

  • சீனா ​போர் - ​09/2020 (1)
    • கடைசிபெஞ்ச் { நாம் சீனா போன்று இல்லை. ஆனால், சீனா போன்று ஆகிக் கொண்டு இருக்கிறோம். சீனா உள்ளே வரவே இல்லை என்று பொய் சொல்கிறோம். சீன புல்லட்டில் இந்தோதிபெத் வீரர் இறந்து போய் இருக்கின்றனர். அதை... } – Sep 02, 8:04 AM
    • பாண்டியன் { கைலாயத்தை மீட்டெடுப்பாரா மோடி. } – Sep 01, 7:00 PM
  • இந்த வார என் வர்த்தகம் - 06/03/2020 (1)
    • பாண்டியன் { எளிமையான அர்த்தமுள்ள விரிதாள். } – Mar 07, 8:35 AM
  • இந்த வார என் வர்த்தகம் - 28/02/2020 (1)
    • பாண்டியன் { மகிழ்ச்சி. உலகமே கதறுகிறது. இங்கே மட்டும் பட்டை கிளப்பப்படுகிறது. } – Feb 29, 8:46 AM
  • இந்த வார என் வர்த்தகம் - 21/02/2020 (2)
    • தமிழ்பயணி { அன்றன்​றே வாங்கி, விற்பது அல்லது விற்று, வாங்குவது என கா​லை 9:15 முதல் மா​லை 3:30 க்குள் கணக்கு வழக்கி​னை முடித்து ​​கொண்டு விடுவ​தே இந்த லாபநட்ட அறிக்​கையின் அடிப்ப​டை. } – Feb 23, 9:27 AM
  • Older »

ப​ழைய​வைகள்

குறிப்புகள்

​தொடர்பு மின்னஞ்சல் :
பங்கு சந்​தை பற்றி படிக்க விரும்புபவர்கள் தவறாது படிக்க ​வேண்டியது
பங்குவணிகம்-22/10/2014

நட்பு வட்டம்

 



 

மஞ்சு அ​ழைக்கிறார்..!!

அவ​ரை ​போய் நான் பார்த்து கிட்டதட்ட பதி​னைந்து அல்லது இருபதாண்டுகள் ஆகியிருக்க கூடும். குடும்பத்தினருடன் ​போய் ஒரு மா​லை ​நேரத்தில் பார்த்​தேன். அந்த கால கட்ட சிறுவயதில் அப்படி​யொன்றும் ​பெரிய பிரமிப்​போ, ஆச்சர்ய​மோ இல்​லை. இரவு ​நேரத்தில் மின் விளக்கு வசதி கூட ஏற்படுத்தி ​கொள்ளாமல் தீபஒளியி​லே​யே ​தொடர்வது குறித்து ​வேண்டுமானால் அன்​றைக்கு வியப்பு ஏற்பட்டது இன்றும் நி​னைவில் இருக்கிறது.

மஞ்சு என்ற ​பெயரு​டையவர்க​ளை வாழ்வில் ஏ​தேனும் ஒரு சமயத்தில் சந்தித்து இருப்​போம் அல்லது இந்த ​பெயரி​னை ​கேள்வியாவது பட்டு இருப்​போம். ஆனால் இங்கு நான் அந்த மஞ்சு என்ற ​பெயருக்கான மஞ்சுநாத​ரை பற்றி ​பேசுகி​றேன், தமிழ்புத்தாண்டு விடுப்பில் ​வெளி விருந்தினர்கள் யாருமற்ற தனி​மையில் அம்மாவுடன் ​பேசிக் ​கொண்டு இருந்த ​போது ப​ழைய​ நி​னைவுகள் கிண்டி கிளறப் பட்டு தர்மஸ்தலா என்ற புண்ணிய பூமியி​னை பற்றிய ​பேச்சு இன்று மீண்டும் வந்து விட்டது.

http://ta.wikipedia.org/wiki/%E0%AE%A4%E0%AE%B0%E0%AF%8D%E0%AE%AE%E0%AE%B8%E0%AF%8D%E0%AE%A4%E0%AE%B2%E0%AE%BE

தர்மஸ்தலா-மஞ்சுநாத சுவாமி ​கோவில்

தர்மஸ்தலா-மஞ்சுநாத சுவாமி கோவில்

தந்​தையார் என் சிறுவயதில் அ​ழைத்து ​சென்றுள்ள சுற்றுலாகளில் ​இரு மு​றை தர்மஸ்தலாவும் அ​ழைத்து ​சென்று உள்ளார். அப்​போ​தெல்லாம் அங்கு பரிமாற படும் உணவும், இலவச தங்குமிடமும் மிகப் ​பெரிய விசயமாக எனக்கு பட்டுள்ளது. ஆனால் இன்​றைக்கு அதன் ​தொன்​மையி​னையும், வரலாற்​றையும் படித்த பின்புலத்தில் ​நோக்கும் ​போது கட்டாயம் ​போய் வர ​வேண்டிய இடம் என்பது புரிகிறது.

தர்மஸ்தலா

தர்மஸ்தலா

தர்மஸ்தலா ​கோவிலரு​கே

தர்மஸ்தலா கோவிலரு கே

திரு.ஜெய​மோகன் தனது கட்டு​ரை​யொன்றில் பின்வருமாறு குறிப்பிடுகிறார்..

தர்மஸ்தலா கிமு இரண்டாம் நூற்றாண்டில் இருந்தே புகழ்பெற்றிருந்த ஒரு சமண ஸ்தலம். இது முன்பு குடுமா, மல்லார்மடி
என்ற பெயர்களில் அழைக்கப்பட்டது. ஐந்து அல்லது ஆறாம் நூற்றாண்டில் கைவிடப்பட்டபின்னர் வெறும் இடிபாடுகளாக இருந்தது. பன்னிரண்டாம் நூற்றாண்டில் இதனருகே உள்ள பெல்தங்காடி என்ற ஊரின் ஆட்சியாளராக இருந்த பிர்மண்ண பெர்கடே என்ற சமணரைத் தேடிவந்த சமணத்துறவி இந்த ஊரைப்பற்றிச் சொல்லி இங்கே ஒரு சமண ஆலயமும், அன்னதான நிலையமும் உருவாக்கும்படி ஆணையிட்டார்.

பிர்மண்ண பெர்கடேயும் அவர் மனைவி அம்மு பல்லத்தியும் இங்கே முன்னர் இருந்து பின் அழிந்த அன்னதான சாலையை மீண்டும் ஆரம்பித்தனர். பிர்மண்ண பெர்கடேயின் குடும்பம் நெல்லியாடி வீடு எனப்படுகிறது. அவர்களின் ஆட்சியில் இந்த ஊர் இருந்தது. பெர்கடே காலத்திலேயே பல உள்ளூர் தெய்வங்களும் இங்கே நிறுவப்பட்டுவிட்டன. பெர்கடே இங்கே களராகு, கலர்காயி, குமாரசாமி, கன்யாகுமரி தெய்வங்களை நிறுவி வழிபட்டுவந்தார். அந்த நாட்டார் தெய்வங்கள் பொதுவாக கர்நாடகாவில் சமணர்களாலும் வழிபடப்படுபவை.

வீரேந்திர ஹெக்டே, தர்மஸ்தலா

வீரேந்திர ஹெக்டே, தர்மஸ்தலா

அவர் பிராமணர்களைப் பூஜைக்காக அழைத்தபோது அவர்களின் விருப்பத்துக்கு ஏற்ப இங்கே சிவலிங்கம் அமைக்கப்பட்டது. இதை உள்ளூர் காவல்தெய்வமான அன்னப்பா என்ற தெய்வமே கொண்டுவந்து அறங்காவலர் ஹெக்கடேக்கு அளித்ததாகச் சொல்லப்படுகிறது. அந்த லிங்கம் அருகே உள்ள கதரி என்ற ஊரைச்சேர்ந்தது. பதினாறாம் நூற்றாண்டில் அன்றைய அறங்காவலர் தேவராஜ ஹெக்டே அழைப்பின் பேரில் இங்கே வந்த உடுப்பி மடாதிபதி வாதிராஜ சுவாமியால் அந்த லிங்கம் ஆலயமாக இங்கே நிறுவப்பட்டது. அதுவே மஞ்சுநாத சுவாமி கோயிலாக உள்ளது.

தர்மஸ்தலா பாகுபலி

தர்மஸ்தலா பாகுபலி

அதாவது ஒரு சமணப் புனித தலத்தில்தான் மஞ்சுநாத சுவாமி ஆலயம் சமணர்களால் உருவாக்கப்பட்டது. அந்த சமணர்களே அதற்கு அறங்காவலர்களாகவும் இருக்கிறார்கள். பிர்மண்ண பெர்கடேயின் இன்றைய வாரிசாக வீரேந்திர ஹெக்டே இருக்கிறார். அவர் சமணர். ஆனால் சைவ வைணவக் கோயில்களுக்கும் சிறுதெய்வக் கோயில்களுக்கும் அவரே புரவலராக இருக்கிறார். எல்லா வழிபாடுகளிலும் அவர் கலந்துகொள்கிறார்.

சமணம் எப்போதுமே இந்துப் பெருந்தெய்வங்களையும் சிறுதெய்வங்களையும் தன்னகத்தே கொண்டதாகவே இருந்துள்ளது. அதையே நாம் தர்மஸ்தலாவிலும் காண்கிறோம். இன்று அங்கே வரும் கோடிக்கணக்கான எளிய இந்துக்கள் அங்குள்ள சமணக் கோயிலிலும் வணங்கிவிட்டே செல்கிறார்கள். பாகுபலிக்கும் மஞ்சுநாதருக்கும் அவர்களைப் பொறுத்தவரை வேறுபாடில்லை.

ஆம், நீங்கள் சொல்வது உண்மை. நாம் இந்து, சமண, பௌத்தப் பண்பாடுகள் ஒரே பண்பாட்டு ஊற்றுமுகத்தைச் சார்ந்தவை என்பதைப் புரிந்துகொள்ள தர்மஸ்தலாவை முக்கியமான முன்னுதாரணமாகக் கொள்ளவேண்டும். ஆனால் அந்தப் பாடத்தைக் கற்றுக்கொள்ள வேண்டியவர்கள் முதலில் இந்துத்துவம் பேசுபவர்கள்தான்.

நானும் ​கோ​வையிலிருந்து கிளம்ப ​தே​வையான இரயில் வழித்தடம் ​தேடி பிடித்​தேன். ​கோ​வையிலிருந்து மங்களூரு (Coimbatore Jn » Mangalore Central) வ​ரை ​சென்று அங்கிருந்து சுமார் 75கிமீ தூர​மே உள்ள தர்மஸ்தலாவிற்க்கு ​பேருந்தில் ​சென்று விடலாம் என்று என் அன்​னையிடம் ​யோச​னை கூறியுள்​ளேன். 16627    WEST COAST EXP வண்டி இரவு 8 மணிக்கு கிளம்பி விடியற்கா​லை 4.35க்கு மங்களூரு ​சென்று ​சேருவதாக உள்ளது. அங்கிருந்து என்னதான் பாடாவதி ​பேருந்தில் ம​லை​யேறினாலும் 3 மணி ​நேரத்தில் கா​லை 8மணிக்குள் ​சென்ற​டைந்து விடலாம் என்பது என் யூகம். வரும் ​போதும் அடுத்த நாள் மா​லை 16628    WEST COAST EXP இரவு 9.45 க்கு கிளம்பி மறுநாள் கா​லை 6.20க்கு ​கோ​வை வந்த​டைந்து விடலாம் என்று திட்டம்.

எல்லாம் சரிதான் ஆனால் என்​றைக்கு, யார் யார் பயணிக்க ​போகிறார்கள் என்பது அந்த மஞ்சுநாதருக்கு மட்டு​மே ​தெரியும்.

Share

1 comment to மஞ்சு அ​ழைக்கிறார்..!!

  • Pandian

    மஞ்சுநாதர் தரிசனம் கிடைக்க நல்வாழ்த்துகள்

Leave a Reply

You can use these HTML tags

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>